Күн тартибине Кен-Сай аймагында жайгашкан подстанциянын 80 соток жер участогу боюнча маалымат киргизилди.
Мэриянын архитектура жана муниципалдык менчик бөлүмүнүн начальниги Мирлан Казыбай уулу Кен-Сай жашоо массивинде жайгашкан 25 соток жерди ОшПЭСке өткөрүп берүүнү сунуштады.
Депутат Шахназар Бакиров мурда подстанциянын айланасындагы 80 соток жер ОшПЭСке өткөрүлгөнүн, бирок учурда болгону 25 соток жерди өткөрүү талкууланып жатканын белгиледи.
Мындан тышкары, депутаттар муниципалдык менчиктен мамлекеттик менчикке өткөрүү үчүн төмөнкү объектилерге макул болушту:
- Курманжан-датка көчөсү, 3 дарегиндеги 354 чарчы метр аянттагы имарат — мурда бул шаардык спорт жана медициналык реабилитация борбору болгон;
- Кен-Сай микрорайонундагы 28 миң чарчы метр (2,8 гектар) аянт — мамлекеттик ипотекалык программа линиясы боюнча үйлөрдү куруу үчүн Президенттин иш башкармалыгына өткөрүү;
- 500 млн сомго сатып алынган 119 техникалык бирдиктен экскаватор, Сулайман-Тоос РЭСине жөнөтүлгөн;
- Р.Моминова көчөсү, 152 дарегиндеги «Акылман» балдар бакчасы жана 3 миң 292 чарчы метр аянт — Ош шаардык жана Ош облусунун ГКНБсына өткөрүү (балдар бакчасы республикалык бюджеттен каржыланат жана кызматкерлердин балдарын тейлейт);
- Курманжан-датка көчөсү, 155 дарегиндеги №22 «Ак-Жолтой» балдар бакчасы жана 3800 чарчы метр аянт — мамлекеттик менчикке өткөрүү (мекеме Ички иштер министрлиги тарабынан каржыланат жана Ош шаарынын Ички иштер башкармалыгынын кызматкерлеринин балдары тарабынан колдонулат).
