Сузак районунда Достук айылындагы мурдагы туберкулёз ооруканасынын аймагында мыйзамсыз курулуш боюнча кырдаал катталган.
Текшерүү учурунда прокуратура жергиликтүү тургундардын зарыл уруксатсыз жер участоктун бир бөлүгүнө бир нече турак үйлөрдү өз алдынча салып алганын аныктады.
Жүргүзүлгөн иш-чаралардын натыйжасында 3,07 гектар аянты бар, 32,2 миллион сомго бааланган жана туберкулёзгө каршы ооруканасына таандык участок мамлекеттик менчикке кайтарылды.
Прокуратура мамлекеттик жана муниципалдык уюмдарга таандык жерлерди мыйзамсыз ээлеп алуу учурларын аныктоо жана алдын алуу боюнча иштер улантыларын белгиледи.
