Расмий документте мамлекеттик мүлктү шаардык муниципалдык менчикке өткөрүү макулдашылганы көрсөтүлгөн. 24,7 гектар аянты бар жер участогу мурда Коргоо министрлигинин балансында болуп, № 92784 аскер бөлүгүнүн аймагында жайгашкан. Бул кадам Караколдун социалдык-экономикалык муктаждыктарын канааттандырууга багытталган.
Мамлекеттик мүлктү башкаруу агенттигине Коргоо министрлиги менен биргеликте 9,2 гектар жер участогун мэрияга өткөрүп берүү тапшырылды.
Өз кезегинде, муниципалитет участокту менчикке кабыл алууга, анын коопсуздугун камсыздоого жана мамлекеттик кайра каттоо үчүн зарыл болгон процедураларды өткөрүүгө милдеттүү. Бул участокту тейлөө жана кармоо жергиликтүү бюджеттен каржыланат, ал эми анын колдонулушу өндүрүштүк, өнөр жай жана социалдык максаттар менен чектелиши керек.
