Эртең мененки инспекция учурунда Ош шаарынын мэри Жеңишбек Токторов «Келечек» жаңы базарына, ошондой эле «Жибек-Жолу» жана кондитердик базарларга барды.
Мэриянын маалыматына ылайык, рейд учурунда шаар башчысы базарлардын курулуш иштеринин абалын текшерип, аныкталган кемчиликтерди жоюу боюнча көрсөтмөлөрдү берди.
Мындан тышкары, ал Б. Осмонов көчөсүндөгү мурдагы эски аэропорттун аймагында жайгашкан бир нече объектилерди, анын ичинде «Элдорадо» ресторанын жана «Мегаполис» соода борборун текшерүүнү тапшырды.
Жолугушууда «Келечек» базарын көчүрүү маселеси да талкууланды. «Саткандарга суук кыш мезгилинде ыңгайсыздык жаратпоо үчүн көчүүнүн датасын 1-мартка өзгөртүү чечими кабыл алынды», - деп билдирет мэрия. ```
