Тоннель деңиз деңгээлинен 2200 метр бийиктикте жайгашат
2025-жылдын 2-декабрында Бишкек–Ош авто жолундагы «Келечек» альтернативдүү тоннелин куруу боюнча келишимге кол коюлду, ал Тоо-Ашуу ашуусунун аймагында жайгашат. Бул маалыматты Кыргызстандын Транспорт министрлиги берди.
Жаңы тоннелдин узундугу 11,5 километрди түзөт, ал эми курулуш мамлекеттик-менчик өнөктөштүк механизми боюнча жүргүзүлөт. Проекттин алкагында эки төлөм пункту, эки мини-ГЭС жана заманбап башкаруу системасы да каралган.
Курулуштун мөөнөтү болжол менен беш жылды түзөт, ал эми жалпы инвестициялык сумма 640 миллион долларга бааланууда. Негизги инвестор жеке компания болот, бирок анын аты жана өнөктөштүктүн деталдары азырынча ачыкка чыгарылган жок.
Учурда Бишкек–Ош трассасында 3200 метр бийиктикте Колбаев атындагы тоннель иштеп жатат. Жаңы тоннель миң метр төмөн жайгашып, маршруттагы аралыкты болжол менен 40 километрге кыскартууга мүмкүндүк берет.
Сүрөт www
