15-декабрда Манас шаарында жаңы төрт кабаттуу соода борбору ачылды, деп билдирди жергиликтүү мэрия.
Иш-чарада мэр Эрнисбек Ормоков, шаардык кеңештин төрагасы Нуртилек Болотов, ошондой эле бизнес өкүлдөрү жана шаар тургундары катышты.
Шаар башчысы Манас шаарынын активдүү өнүгүп жатканын белгилеп, имарат шаарга жаңы түстөрдү кошорун айтты. Жаңы соода борбору болжол менен 150 жумуш ордун түздү.
Мэр борбордун ийгиликтүү иштөөсүнө үмүт артып, жергиликтүү бийлик ишкерлерди колдоого даяр экенин белгиледи.
Соода борбору Курманбек жана Д. Малашев көчөлөрүнүн бурчунда жайгашкан.
