Аламудун районундагы Таш-Добо айылындагы Маданият үйүндө ПРООНдун колдоосу менен түзүлгөн Санариптик жана финансылык сабаттуулук борборунун салтанаттуу ачылышы болуп өттү.
Борбордун негизги милдети, жаштарга, айрыкча жашоочуларга, санариптик технологиялар жана финансылык жаатта билимдерге жана практикалык көндүмдөргө жеткиликтүүлүктү камсыз кылуу.
ПРООНдун маалыматы боюнча, борбордо санариптик технологиялар, финансылык сабаттуулук жана электрондук мамлекеттик кызматтар боюнча курстар, мастер-класстар жана консультациялар уюштурулат. Ошондой эле, ал коомдогу социалдык биримдикти жана диалогду бекемдөө үчүн аянтча болуп калат.
Ачылыш аземине жергиликтүү администрациянын, профильдик мамлекеттик мекемелердин, ПРООНдун өкүлдөрү, ошондой эле жаш лидерлер жана жергиликтүү коомчулуктун мүчөлөрү катышты. Бул долбоор улуттук өнүктүрүү программаларынын алкагында жана БУУнун тынчтык куруу фонду тарабынан колдоого алынып ишке ашырылууда.
