Чанпэн Чжаонун айтымында, стейблкоин BNB Chain платформасында түзүлгөн жана Кыргызстандагы мамлекеттик жана расмий финансылык операцияларда колдонулат.
Мындан тышкары, ал BNB токенин камтыган улуттук криптовалюта резервин түзүү тууралуу маалымдады.
Binance компаниясы өлкөдө билим берүү жана технологиялык инициативаларды активдүү өнүктүрүүдө. Айрыкча, Binance Academy он университет менен кызматташууга киришет, ал эми Binance тиркемеси азыр кыргыз тилинде жеткиликтүү.
Чанпэн Чжао ошондой эле Кыргызстанда блокчейн технологияларын киргизүүгө көмөктөшүүчү EthSign платформасы менен өнөктөштүк тууралуу айтып берди.
«Биз жөн гана инвестицияларды көздөп жаткан жокпуз, ошондой эле стратегиялык баалуулуктарды түзүүгө умтулабыз. @yzilabs миноритардык инвестор болгонун көрүп кубанычтамын, EthSign командасы өз милдетин жакшы аткарды», — деп жазды ал.
Эскерте кетсек, мурун президент стейблкоин KGSTти ишке киргизүү жана санарип сомду тестирлөө боюнча буйрук берген. Бул виртуалдык активдерди жана блокчейн технологияларын өнүктүрүү боюнча Улуттук кеңештин жыйынында талкууланган, анда президент Садыр Жапаров жана Чанпэн Чжао катышкан.
