Негиздеме-справкага ылайык, бул документтин максаты — калдыктарды башкаруу тармагында тарифтик саясатты жөнгө салуу үчүн бирдиктүү укуктук механизм түзүү, бул тарифтердин ачык-айкындуулугун жана экономикалык негиздүүлүгүн камсыз кылат, ошондой эле алардын негизсиз жогорулашынын алдын алат.
Документ ошондой эле бардык калк топтору үчүн коммуналдык кызматтардын жеткиликтүүлүгүн жакшыртууга, калдыктарды эффективдүү башкарууну стимулдаштырууга, экологиялык коопсуздукту жогорулатууга жана кызмат көрсөтүүчүлөр үчүн туруктуу шарттарды түзүүгө багытталган. Анда улуттук практикаларды эл аралык экологиялык стандарттарга ылайык келтирүү каралган.
Жободо таштандыны жыйноо жана чыгаруу боюнча тарифтерди эсептөө үчүн бирдиктүү тартипти бекитүү сунушталууда. Президенттин ыйгарым укуктуу өкүлдөрү региондордо жана жергиликтүү бийлик органдары бул жобо кабыл алынса, өз компетенциясынын чегинде анын аткарылышын көзөмөлдөөгө милдеттүү болушат.
Жергиликтүү өз алдынча башкаруу органдарына тарифтерди эсептөө жана орнотуу процессин башкарууга активдүү катышууну сунушталууда.
