Бул документтин алкагында атайын техника жана сууда сүзүүчүлөрдү пайдаланып, Иссык-Көл көлүндөгү пляждардын жеткиликтүү эмес участкаларын жана суу астындагы мейкиндикти тазалоо пландаштырылууда. Негизги көңүл эс алуучулар тарабынан калтырылган таштандыны, анын ичинде тамак-аш калдыктарын, пластик идиштерди жана бөтөлкөлөрдү алып салууга бурулат.
Долбоор пляждардын тазалыгын сактоо милдетин эс алуу объектилеринин ээлерине же ижарачыларына, ошондой эле алардын уюштуруу-укуктук формасынан көз карандысыз, экономикалык ишмердик субъекттерине бекитет.
Минприроддон алынган маалыматка ылайык, акыркы бир нече жылда Иссык-Көлдүн түбүнөн 70 тоннадан ашык калдыктар, анын ичинде 70 миң метр балык уулоочу торлор чыгарылган. Ошондой эле, 250 чакырымдан ашык жээк сызыгы тазаланды.
Министерство Иссык-Көлдүн рекреациялык потенциалын натыйжалуу пайдалануу үчүн биосфералык зонасынын тазалыгына жана туристтер үчүн анын жагымдуулугуна көңүл бурууну баса белгилейт.
Долбоор боюнча, атайын техниканы сатып алуу жана тейлөө чыгымдарын эс алуу объектилеринин ээлери же ижарачылары көтөрөт. Аларга зарыл болгон жабдууларды биргелешип сатып алуу үчүн ассоциациялар түзүү сунушталат, ошондой эле сууда сүзүүчүлөрдү жалдоо же аларды көлдүн түбүн тазалоо үчүн штатка киргизүү сунушталат.
Пляждарды терең тазалоо менен байланышкан бардык чыгымдар, анын ичинде техника, жабдуулар, чыгым материалдары, адистердин эмгек акысы, ошондой эле персоналды даярдоо жана окутуу, жумуштун коопсуздугун камсыздоо чыгымдары эс алуу объектилеринин ээлери же ижарачылары тарабынан жабылат.
