ГУОБДДнын басма сөз кызматынын маалыматына ылайык, бул күнү «Жол кыймылынын эрежелерин сактоо — өмүрдүн кепилдиги!» аттуу жол кырсыктарын азайтууга арналган бир айлык акция башталды. Бул демилгени ишке ашыруу алкагында Козукеев айдоочуларды жол кыймылынын белгиленген эрежелерин так сактоого чакырды.
Мындан тышкары, ал жарандарга, оор мыйзам бузууларга күбө болгондорго, маалыматтарды видео же сүрөткө тартып, 0777 102 102 номерине WhatsApp аркылуу жөнөтүүнү сунуштады.
Козукеев ошондой эле БДД кызматкерлерине жардамга муктаж жарандарга колдоо көрсөтүүнү жана зарыл болгон кызмат көрсөтүүлөрдү дароо жеринде камсыздоону тапшырды.
Иш-чаранын жүрүшүндө жол кыймылынын эрежелерин бузгандарды жана чет өлкөлүк автоунаалардын мамлекеттик номерлерин аныктоо үчүн «Автоураган» түзмөгүн колдонуу пландалууда.
