Бул иштерди жүргүзүүгө республикалык бюджеттен 10 миллион сом бөлүнгөн. Жаңы бөлүм 20 орунга ээ болуп, бейтаптар жана медиктер үчүн зарыл шарттарды түзөт.
Мындан тышкары, Кызыл-Кийдеги жалпы дарыгердик практика борборунда неврология бөлүмү курулду. Курулуш демөөрчүлөрдүн жана жергиликтүү бюджеттин эсебинен жүргүзүлдү. 40 орунга ылайыкташтырылган жаңы объект оорулардын диагнозун коюу жана дарылоо үчүн шарттарды камсыздайт.
Ошондой эле, 70 орунга ээ болгон шаардык төрөт үйүндө республикалык бюджеттен каржыланган ремонттук иштер ийгиликтүү аяктады.
