Ош шаардык милициясынын патрулдук кызматынан алынган маалыматка ылайык, акция «Айдоочунун ден соолугу — жүргүнчүнүн коопсуздугу» деген ураан астында уюштурулган. Иш-чаранын алкагында айдоочулардын кан басымы текшерилип, транспорт каражаттарынын техникалык абалы каралды.
«Текшерүүнүн жүрүшүндө автобустардын техникалык мүнөздөмөлөрү жана коопсуздук боюнча жалпы талаптардын сакталуусу бааланды. Ошондон кийин гана айдоочулар өз маршруттарын баштай алышты. Аларга ылдамдыкты ашырбоо жана жүргүнчүлөрдү текшерүүгө уруксат берилген токтоочу жайларда гана түшүрүү жана алуу керектиги эскертилди», - деп белгилешти мекемеден.
