Аудитордук отчетко ылайык, муниципалдык ишкана менен ZHONGTONG BUS HOLDING CO., LTD. ортосундагы келишим 2022-жылдын 15-августунда кол коюлган. Бул келишимдин алкагында 10 920 000 АКШ долларына сжатылган табигый газ (СПГ) менен иштеген ZHONGTONG маркасындагы 120 шаардык автобус сатып алынган. Келишимде 2.1 пункту жана 2-кошумча бар, анда жеткирүүчү бул автобустар үчүн запастык бөлүктөрдү берүүгө милдеттүү болгон. Бирок, аудит учурунда запастык бөлүктөрдүн жеткирүүсү толук көлөмдө аткарылбагандыгы аныкталды, натыйжада жеткирилбеген запастык бөлүктөрдүн суммасы 12 млн 325 миң 53 сомду түздү. Мындан тышкары, запастык бөлүктөрдүн жеткирилбегендиги үчүн 5% өлчөмүндө айып пул эсептелди, бул 628 миң сомду түздү.
Ошондой эле 2023-жылдын 15-мартында «Бишкек шаардык жүк ташуучу автотранспорт ишканасы» менен ZHONGTONG BUS HOLDING CO., LTD. ортосунда жаңы келишим кол коюлуп, 86 500 000 долларга 1000 шаардык автобус сатып алынган. Келишимдин 1.1 пункту жана ZT20230315 номериндеги 1-кошумчага ылайык, автобустарды диагностикалоо үчүн 5 ноутбук жана 4 өнөр жай планшеттери жеткирилүүгө тийиш болгон, алардын баасы келишимдин жалпы суммасына киргизилген. Бирок, ишкананын складуна 5 ноутбук жана 4 планшет жетпей калгандыгы катталган, бул базар баалары боюнча 655 миң сомду түзөт (ар бир ноутбук үчүн 55 миң сом жана ар бир планшет үчүн 95 миң сом).
