Бишкек электр тармактары, ОАО «НЭСК» компаниясынын курамына кирген, Масалиев көчөсү, 81 дарегиндеги электр энергиясын убактылуу өчүрүү боюнча расмий түшүндүрмө берди.
Маалыматка караганда, өчүрүү быйылкы жылдын август айынын аягында электр энергиясына болгон 3 миллион сомго жакын карыздын жыйналуусунан улам болгон. Бул үйдүн тургундары керектүү документтерди толтурбай киришкен.
Өчүрүүдөн кийинки күнү тургундардын өкүлдөрү Бишкек электр тармактарына кайрылышты. Талкууда курулуш компаниясынын тең негиздөөчүсү Ташов Азизбек Асамидинович катышкан. Тараптар келишимге келишти.
Натыйжада, тургундар 400 миң сом өлчөмүндө жарым-жартылай төлөмдү киргизишти жана 2025-жылдын 22-декабрына чейин калган карызды этап-этабы менен төлөө боюнча келишимге кол коюшту.
Учурда үйдөгү электр камсыздоо толугу менен калыбына келтирилди жана электр энергиясы нормалдуу режимде берилүүдө.
Бишкек электр тармактары документтерди белгиленген тартипте толтуруп, электр энергиясын убагында төлөөнүн маанилүү экенин эскертет, бул электр камсыздоонун туруктуулугун жана шаардагы энергетикалык системанын ишенимдүү иштешин камсыз кылуу үчүн.
