Алардын билдирүүсүндө комбинат өлкөнүн кен-металлургия тармагындагы эң эскилеринин бири экендиги жана 89 жыл бою Кыргызстан экономикасына олуттуу салым кошуп, эл аралык рынокто суроо-талапка ээ болгон продукцияны өндүрүп келгендиги белгиленет.
Казакстандык инвестор өз ишин токтоткондон кийин, ишкана банкрот деп табылып, бул олуттуу көйгөйлөрдү жаратты: эмгек акы жана пенсия төлөмдөрү боюнча карыздар пайда болуп, иштөөдө токтоп калуулар жана инфраструктуранын начарлашы орун алды.
Кызматкерлер 2020-жылдын ноябрь айында атайын администратор болуп Шерали Османовдун дайындалганын белгилешти. Анын жетекчилигинде банкроттук процесс ликвидациядан реструктуризацияга өткөрүлүп, бул өндүрүштү жарым-жартылай калыбына келтирүүгө жана эмгек акы жана пенсия төлөмдөрү боюнча карыздарды төлөөгө мүмкүнчүлүк берди, ошондой эле комбинаттын негизги мүлкүн сактап калууга шарт түздү.
Кайрылууда банкроттук учурунда мурдагы ээлерине кайтарылган мүлк, анын ичинде администрациянын имараты жана башкаруу паркы белгиленет. Кызматкерлер комбинаттын толугу менен ишин калыбына келтирүүгө даяр экендигин жана өндүрүштүк милдеттерди аткарууга жөндөмдүү экендигин билдиришет.
Жамаат Шерали Османовдун ишкананы калыбына келтирүүнүн акыркы этабында жумуштан бошотулушу мүмкүн экендиги боюнча тынчсыздануусун билдиришти, бул жетишкен ийгиликтерге коркунуч туудурат деп чочулашат.
Кайрылуунун авторлору учурдагы атайын администраторду бардык процессер толук аяктаганга чейин сактоону сунуштап, комбинаттын туруктуу ишин камсыз кылуу үчүн толук күч-аракет менен иштөөгө даяр экендиктерин билдиришет.
