Талкуу учурунда адистер айдоочулардын жана жөө жүргүнчүлөрдүн жоопкерчилиги менен байланышкан маанилүү темаларды көтөрүштү. Мындан тышкары, жолдордо жүрүү маданияты жана адам өмүрүнүн баалуулугу жөнүндө сөз болду.
Максат ажы Токтомушев бардык суроолорго шариат нормаларына таянып кенен жооп берди. Ал жол кыймылынын эрежелерин сактоо адамдардын өмүрүн жана ден соолугун сактоого түздөн-түз байланыштуу экенин белгилеп, бул маселени ар бир адамдын моралдык жана диний милдети катары баса белгиледи. УПСМ кызматкерлери жол кырсыктарын алдын алуу жана калк арасында жол кыймылынын эрежелерин сактоого жоопкерчиликтүү мамиле түзүү максатында диний лидерлер менен кызматташуунун зарылдыгын белгилешти, — деп айтылат маалыматта.
