2025-жылдын январь айынан ноябрь айына чейин Кыргызстанда лицензиялоодон, административдик айыппулдардан, уруксаттар берүүдөн жана салмактык контролдон, ошондой эле бөлүнбөгөн жүктөрдү ташууга атайын уруксаттарды берүүдөн жана чыгымдарды калыбына келтирүүдөн 1 миллиард 65 миллион 832 миң сом чогултулду.
Кыргыз Республикасынын Транспорт жана байланыш министрлигинин маалыматы боюнча, 2024-жылдын ошол эле мезгилинде түшкөн каражаттардын суммасы болгону 334 миллион 170 миң сомду түзгөн.
Ушул жылы тышкы экономикалык кызматташтыкты өнүктүрүү үчүн 41 өлкөдөн 218 миң 250 уруксат берилди.
Коррупцияга каршы күрөштө жүк жана жүргүнчү ташууларды лицензиялоонун, конкурстарды уюштуруунун жана уруксат документтерин берүүнүн процессин толук цифрлаштыруу маанилүү кадам болду, бул адам факторунун таасирин минималдаштырууга мүмкүндүк берди.
