Бишкек мэриясына учурда шаардыктардан 370 сунуш жана пикир келип түштү. Бул тууралуу шаар мэри Айбек Джунушалиев бүгүн «Тунгуч» театрында башталган коомдук угууда билдирди.
Иш-чара мэрдин төрагалыгы астында, Ирина Гришечкина жетектеген Илимий-изилдөө институтунун иштеп чыгуучуларынын катышуусунда өттү.
Эскерте кетсек, Бишкектин 2050-жылга чейинки Генералдык пландарынын долбоору 2025-жылдын 25-октябрында мэриянын расмий сайтында коомдук талкууга коюлган.
Мындан тышкары, 2025-жылдын 27-октябрына чейин тургундар долбоор менен басма форматта таанышып, 91 адам консультация алуу мүмкүнчүлүгүн пайдаланган.
