Ленин районунан делегат Жолдошбек Турдубаев өлкөдө аялдарга карата зомбулук учурларынын көбөйүп жатканын белгиледи. Ал өз жубайларын жана балдарын таштап кеткен эркектердин мамлекеттик структуралардагы катышуусун чектөөнү сунуштады. Турдубаев үй-бүлөгө болгон жоопкерчилик бийликке умтулгандар үчүн маанилүү моралдык критерий болушу керектигин баса белгиледи.
"Аялдарга карата зомбулук деңгээли акыркы убакта өстү. Мен жубайларын жана балдарын таштап кеткен эркектерге мамлекеттик органдарда кызматка кирүүгө жана Жогорку Кеңешке, жергиликтүү кеңештерге шайлоого катышууга тыюу салууну зарыл деп эсептейм", - деп кошумчалады ал.
