Ал Ысык-Көлдүн уникалдуу экосистемасы жана табигый байлыктары өзгөчө көңүл бурууну талап кылат деп баса белгиледи.
«1854-жылдан бери бул көлдөгү суу деңгээли дээрлик 14 метрге төмөндөп, суу көлөмү 85 миллиард кубометрге кыскарды. Көлгө кулаган дарыялардын саны үч эсе азайып, 1950-1960-жылдары көлгө 100-110 дарыя куласа, азыр алардын саны болгону 30-35ти түзөт. Эгер мындай тенденция уланса, регион олуттуу экологиялык жана социалдык-экономикалык көйгөйлөргө туш болот. Өкмөт көлгө суу агымын көбөйтүү үчүн жаңы каналдар жана гидротехникалык курулмаларды куруу сыяктуу зарыл чараларды көрүүдө жана долбоорлорду ишке ашырууда», - деп кошумчалады ал.
