ЖДБнын эң мыкты беш курорту
Аналитикалык агенттик "ТурСтат" 2018-жылдын жайкы эс алуу үчүн популярдуу ЖДБ курортторунун рейтингин түздү. Эң мыкты багыттардын тизмеси агенттиктин расмий сайтында жарыяланды.
Эң мыкты курорттордун бештигине Казакстандагы Бурабай (Боровое) курорту, Кыргызстандагы Ысык-Көл көлү, Беларусиядагы Нарочь көлү, Азербайжандагы Каспий деңизинин жээгиндеги Баку шаарындагы Бильгя пляждары жана Армениядагы Севан көлү кирди.
Ошол эле учурда Ысык-Көлдө эс алуу эң арзан (50 доллар), Бакунун Каспий деңизиндеги курортторунда болсо эң кымбат (100 доллар).
Агенттиктин маалыматы боюнча, бул курорттордо эс алуу орточо 7ден 14 күнгө чейин созулат, ал эми көпчүлүк орусиялык туристтер Москвадан, Москва облусунан, Санкт-Петербургдан, Түштүк Уралдан жана Сибирден келишет.
