Бала бакчалардын ачылышы IV Элдик курултайга арналды. Ачылыш аземине онлайн форматта президент Садыр Жапаров, район жетекчилиги жана жергиликтүү мекемелер катышты.
Балбай айылдык аймагындагы 100 орундук бала бакча ОсОО «Альянс Континенталь» тарабынан курулуп, өнүктүрүү фондунан каржыланды.
И.Арабаев атындагы мектепке чейинки билим берүү уюмунда 4 топ иштейт, учурда мекемеде 120 бала тарбияланууда. Жумушчу топтун жалпы саны 28 кызматкерди түзөт.
Мындан тышкары, Тюп айылында «Келечек» бала бакчасы 275 орундук бала бакча ачылды. Курулуш иштерине 209 млн 398 миң 571 сом жумшалды, объект республикалык бюджеттен каржыланды. Курулуш 2023-жылы башталды.
Юстиция министрлигинин маалыматы боюнча, ОсОО «Альянс Континенталь» жетекчиси Аттокуров Нурбек Асамидинович, негиздөөчүсү Шералиев Нурали Толкунбекович болуп саналат.
Компания 2020-жылдын 19-октябрында катталган, ал эми 2025-жылдын 26-сентябрында кайра каттоо процедурасынан өткөн.
