Бул маалыматты жергиликтүү оорукананын директорунун орун басары Кулай Калпетахунова билдирди.
Анын маалыматы боюнча, 1-январдан 7-январга чейин Жайыл аймактык оорукананын төрөт бөлүмүндө 16 бала жарык дүйнөгө келди.
«Жаңы жылдын биринчи түнүндө үч бала төрөлдү. 2-январда төрөт болгон жок, бирок 3-январдан баштап күн сайын үч төрөт катталууда», - деди Калпетахунова.
Ал белгилегендей, майрам күндөрүндө дарыгерлер гана эмес, бардык керектүү медициналык адистер иштеп жатышат.
Ошондой эле, анын айтымында, акыркы үч күндүн ичинде ОРВИ учурларынын саны, негизинен, балдар арасында көбөйүүдө. Бул мезгилде райондо 18 оорулуу учур катталган, анын 14ү - балдар. Учурда райондук оорукананын стационарында 297 бейтап дарыланууда», - деп кошумчалады директордун орун басары.
