Бул райондо болжол менен 50 миң адам жашайт, 4 айылдык округ жана Кайынды шаары иштейт.
«Мерекелик эс алуу күндөрүнө карабастан, биздин Жалпы практикалык медицина борбору бекитилген график боюнча күчөтүлгөн режимде иштеп жатат. 2026-жылдын 1-6-январь аралыгында кабыл алуу бөлүмүнө 275 бейтап келип түшкөн, алардын арасында 14 жашка чейинки 80 бала бар. Бейтаптардын көбүндө жогорку температура байкалган», - деп билдиришти борбордон.
Фельдшер Чолпон Керимбаева медициналык кызматкерлер бардык кайрылгандарга убагында биринчи жардам көрсөтүп жатканын белгиледи.
«Биз калктын ден соолугун сактоо үчүн сутка бою иштейбиз. Райондо ошондой эле эки тез жардам унаасы иштейт», - деп кошумчалады ал.
