Маалыматка ылайык, 30 жана 31-декабрда Кыргызстандагы бардык медициналык уюмдар күчөтүлгөн иш режимине өтөт.
2026-жылдын 1-9-январь күндөрү медициналык мекемелер кадимки режимде иштейт, бирок кезектүүлүк уюштурулат. Бул мекемелерде түнү бою тез жардам көрсөтүү мүмкүнчүлүгү болот, ошондой эле дарыланууга муктаж болгон бейтаптар үчүн тез арада госпитализациялоо үчүн керектүү орундар даярдалат. Мындан тышкары, бардык зарыл дары-дармектер, медициналык буюмдар жана кан компоненттери камсыздалган.
Үй-бүлөлүк медицина борборлорунда, жалпы дарыгерлик практикаларда жана үй-бүлөлүк дарыгерлер тобунда кезектүүлүк 1-9-январь аралыгында 08:00дөн 18:00гө чейин уюштурулат. Процедуралык кабинеттер 14:00гө чейин иштейт.
Бишкекте, Ошто жана өлкөнүн башка аймактарында тез жардам 24 саат бою дем алышсыз жеткиликтүү болот, деп билдирет Саламаттык сактоо министрлиги.
