2025-жылдын 29-декабрында Кочкор айылындагы борбордук аянтта гарнизондук саптык текшерүү өткөрүлдү. Ага райондук администрациянын жетекчилери, ошондой эле Ички иштер министрлигинин өкүлдөрү жана Кочкор РОВДсынын коомдук коопсуздук кызматынын башчылары — милициянын подполковниги М. Курбанбаев жана милициянын полковниги И. Базаркулов катышты.
Саптык текшерүүдө милициянын жеке курамы, элдик кошуундар жана кызматтык унаалар уюштурулду. Иш-чаранын катышуучуларына коомдук тартипти камсыздоо, жарандардын коопсуздугун сактоо жана 2026-жылдагы жаңы жылга даярдык учурунда жол кыймылын көзөмөлдөө боюнча тапшырмалар белгиленди.
Иштин негизги багыттары болуп төмөнкүлөр саналат:
- укук бузууларды жана кылмыштарды алдын алуу;
- жеке курам арасында мыйзам бузууларды алдын алуу;
- кызматтык дисциплинаны катуу сактоо;
- жашы жете элек жарандар арасында кылмыштуулукка каршы күрөш.
Ошондой эле 2025-жылдын 5-декабрындагы Ички иштер министрлигинин №855 буйругунун, 2025-жылдын 8-декабрындагы Нарын облусунун Ички иштер башкармалыгынын №514 буйругунун жана 2025-жылдын 8-декабрындагы Кочкор РОВДсынын №259 буйругунун талаптары түшүндүрүлдү.
Бул буйруктарга ылайык, 2025-жылдын 29-декабрынан 2026-жылдын 8-январына чейин Кочкор районунун ички иштер бөлүмүнүн бардык жеке курамы күчөтүлгөн жоокердик режимде иштеп, кызматтык милдеттерин аткарат.
Күчөтүлгөн режимде Кочкор районунда бардыгы болуп 63 кызматкер тартылат.
