Башкы шаардык ички иштер башкармалыгы берген маалыматка ылайык, бүгүнтөн баштап 2026-жылдын 8-январына чейин милиция Бишкектеги адамдардын көп чогулган жерлеринде коомдук коопсуздукту камсыздоо боюнча чараларды күчөтөт.
Ала-Тоо борбордук аянтында гарнизондук жыйын өткөрүлүп, ага Бишкек шаарынын мэри Айбек Джунушалиев, милициянын полковниги жана борбордун ИИББсынын начальниги Азамат Токтоналиев, ошондой эле укук коргоо органдарынын, Өзгөчө кырдаалдар министрлигинин, жергиликтүү администрациянын жана райондук башкармалыктардын башка өкүлдөрү катышты.
Шаар мэри өз сөзүндө майрамдык иш-чаралар учурунда тартипти сактоонун маанилүүлүгүнө көңүл бурду, коомдук коопсуздукту камсыздоо муниципалдык инспекция жана башка шаардык кызматтар менен биргеликте жүргүзүлөрүн белгиледи.
Күчөтүлгөн режимдин негизги максаттары укук бузууларды жана кылмыштарды алдын алуу, ошондой эле мүмкүн болгон инциденттерге ыкчам жооп берүү, айрыкча жаңы жылдык иш-чаралар өткөрүлгөн жерлерде, борбордук аянттарда, соода борборлорунда жана жолдордо.
Гарнизондук жыйында жетекчилер жеке курамга милдеттерди жеткирди, кызматтык тартипти, мыйзамдуулукту, жарандар менен байланыштын маданиятын сактоонун жана кызматтык милдеттерди так аткаруунун маанилүүлүгүн баса белгилешти.
Акырында борбордун ИИББсы шаардыктарды жана шаарга келген конокторду жаңы жылдык майрамдар учурунда тартипти сактоого жана коопсуздугуна көңүл бурууга чакырат.
