Ведомствонун маалыматына ылайык, Кызыл-Кий шаарында коопсуздукту камсыздоо жана коомдук тартипти сактоо үчүн мэрия шаардык кеңеш менен биргеликте 7 камера сатып алган, азыр алар жергиликтүү милициянын карамагында.
Жабдыктарды өткөрүп берүү Кызыл-Кий шаардык ички иштер бөлүмүнүн начальниги, милициянын подполковниги Мирбек Толтоевдин, ошондой эле шаардык кеңештин төрагасы Асил Мурзаевдин жана мэриянын аппаратынын жетекчиси Тахмина Алимбекованын катышуусунда өттү.
Берилген камералар коомдук жайларда коопсуздукту жакшыртууга, ошондой эле кылмыштарды эффективдүү ачууга жана укук бузууларды алдын алууга жардам берет. Мындай техникалык каражаттарды орнотуу жергиликтүү тургундардын тынчтыгын камсыздоо үчүн маанилүү чара болуп саналат», — деп айтылат расмий билдирүүдө.
