Жаңы орун басарды тааныштыруунун салтанаты Нарын облусундагы президенттин ыйгарым укуктуу өкүлүнүн орун басары Айдана Иманалиева жана Кочкор районунун акиминин орун басары Эркин Чекирбаевдин катышуусунда өттү. Алар Талгар Исаевди куттуктап, жаңы ролунда ийгиликтерди каалашты.
Исаев ээлеген кызматты мурда Бермет Абдрахманова аркалаган, ал өз каалаганы менен кызматтан кетүү боюнча арыз жазган.
Талгар Исаев 1981-жылдын 9-сентябрында Нарын облусунун Кочкор районундагы Кара-Тоо айылында төрөлгөн.
2003-2009-жылдары И.Арабаев атындагы Кыргыз мамлекеттик университетинде «Тарых жана укук» адистиги боюнча билим алган.
Кесиптик ишмердүүлүгү
- 2007–2017-жылдары Шарыпбек Абдылдаев атындагы орто мектепте мугалим болуп иштеген;
- 2017–2018-жылдары Капар Кыдыралиев атындагы орто мектептин директору болуп дайындалган;
- 2018-2023-жылдары кайрадан Шарыпбек Абдылдаев атындагы орто мектептин директору болуп иштеген;
- 2023–2024-жылдары Кочкор райондук билим берүү бөлүмүндө адис болуп иштеген;
- 2024-жылдан тарта ошол эле бөлүмдүн башкы адиси болуп дайындалган.
Мамлекеттик жарандык кызматтын жаш инспектору класстагы чинди ээлейт.
Бир катар сыйлыктарга жана наамдарга ээ:
- Кочкор райондук билим берүү бөлүмүнөн жана билим берүү кызматкерлеринин профсоюзунун райондук комитетинен 2011-жылдын 27-апрелинде ыйгарылган Ардак грамотасы;
- Кочкор райондук мамлекеттик администрациясынан жана бириккен жыйындан 2014-жылы ыйгарылган Ардак грамотасы;
- Кочкор райондук бириккен жыйынынан 2015-жылы ыйгарылган Ардак грамотасы;
- Кочкор айылдык кенешинен 2018-жылдын 22-майында ыйгарылган Ардак грамотасы;
- Нарын облустук билим берүү методикалык борборунан 2020-жылы ыйгарылган Ардак грамотасы;
- Нарын облусундагы өкмөттүн ыйгарым укуктуу өкүлүнөн 2020-жылдын 2-октябрында ыйгарылган Ардак грамотасы;
- Кыргыз Республикасынын Билим берүү жана илим министрлигинен 2023-жылы ыйгарылган Ардак грамотасы;
- Кочкор райондук ички иштер бөлүмүнөн 2024-жылдын 10-майында ыйгарылган Ардак грамотасы;
- «Билим берүүнүн отличниги» төш белгиси № 1305 — 2025-жылдын 26-сентябрында.
