Чүй облусунун Жайыл районунда, Суусамыр айылдык аймагында, күчтүү муздак аба ырайынын кесепетинен төрт мектепте билим берүү дистанциялык форматка өткөрүлдү. Бул тууралуу айылдык аймактын башчысы Азизбек Манапов «Кабар» агенттигине берген маегинде билдирди.
Анын айтымында, муздак түндөрдө температура -48 градуска чейин жетсе, күндүз термометрдин көрсөткүчү -33…-35 градус аралыгында өзгөрүп турат.
«Бул экстремалдуу шарттарга байланыштуу, Тунак, Суусамыр, Первомай жана Кожомкул айылдарындагы мектептер бир жума бою дистанциялык негизде иштейт», — деп кошумчалады ал.
