16-17-январь күндөрү Кыргызстанда аба ырайында маанилүү өзгөрүүлөр күтүлүүдө: айрым жерлерде кар жаашы мүмкүн, ал эми кээ бир аймактарда жаан-чачындар өтө күчтүү болот.
МЧСтин маалымат кызматы тарабынан берилген маалыматка ылайык, жаан-чачындардан улам электр өткөргүчтөрүндө жана дарактардын бутактарында нымдуу кар пайда болушу мүмкүн. Айрым райондордо туман күтүлүүдө, ал эми тоолуу жол участкаларында кар күрттөлүү коркунучу жогору.
17-19-январь күндөрү абанын температурасы кыйла төмөндөйт:
- Чүй жана Талас өрөөндөрүндө түнкүсүн температура -9…-14° чейин төмөндөп, күндүз -1…-6° болот;
- Ош, Жалал-Абад жана Баткен облустарынын өрөөн аймагында түнкүсүн -2…-7°, күндүз -2° суук …+3° жылуу, тоо этектеринде түнкүсүн -11…-16°, күндүз -2…-7° болот;
- Ысык-Көл ойдуңунда түнкүсүн температура -7…-12°, күндүз -4° суук …+1° жылуу болушу күтүлүүдө;
- Нарын облусунун айыл чарба аймагында жана тоолуу райондордо түнкүсүн температура -23…-28° чейин төмөндөп, күндүз -9…-14°, бийик тоолуу райондордо түнкүсүн -26…-31°, күндүз -9…-14° болот;
- Суусамыр өрөөнүндө түнкүсүн температура -30…-35°, күндүз -11…-16° суук болушу күтүлүүдө.
