Сурабалдиева, өлкөдөгү медиктер чоң басымдын астында экенин белгиледи.
“Биздин өлкөдө дарыгерлер жетишпейт. Кыргыз мамлекеттик медициналык академиясынын бүтүрүүчүлөрү беш жыл мамлекеттик кызматта иштеши керек. Бул өзгөртүүлөр бизди дарыгерсиз калтырып кетпейби?” – деп өзүнүн кооптонуусун билдирди.
Башкы прокурордун орун басары мындай коркунучтун чындыгында жок экенин айтты.
“Мындай коркунуч жок. Эгер кыйноолордун фактылары болсо, анда мурда медициналык кызматкерлер башка Кылмыш кодексинин беренелери боюнча жоопкерчиликке тартылышы мүмкүн эле. Бул мыйзам долбоору алардын статусун ушул берене боюнча тактап жатат”, - деди ал.
