Сунуштарда көрсөтүлгөндөй, Конституцияга ылайык, Жогорку соттун судьясы болуп дайындалууга Кыргызстандын жараны 40тан 70 жашка чейинки, жогорку юридикалык билимге жана юридикалык тармакта кеминде 15 жылдык иш стажына ээ болушу керек, анын ичинде кеминде 5 жыл судья болуп иштеши, анын 3 жылы биринчи инстанцияда, 2 жылы экинчи инстанцияда өтүшү керек.
Жаңы өзгөртүүлөргө ылайык, судьялар үчүн пенсияга чыгуу 20 жылдык судьялык стаждын болушу менен мүмкүн, жалпы пенсиялык куракка жеткендигине карабастан.Мындан тышкары, стажы боюнча пенсияга чыккан жана пенсиялык куракка жеткен судьялар мамлекеттик пенсиялык социалдык камсыздандыруу мыйзамдарына ылайык, жалпы эрежелер боюнча пенсия алышы керек экендигин тактоо сунушталууда.
Белгиленген пенсияга кошумча төлөм төмөндөгүдөй эсептелет:
- судьялык стажы 15тен 20 жылга чейин – белгиленген пенсиянын 1,5 эсе өлчөмүндө;
- стажы 20дөн 25 жылга чейин – 2 эсе өлчөмүндө;
- стажы 25 жылдан ашык – белгиленген пенсиянын 2,5 эсе өлчөмүндө.
