Экономика жана соода министринин орун басары Чоро Сейитов мыйзам долбоорунун максаты мамлекеттик жана муниципалдык кызматтарды көрсөтүү системасын жакшыртуу экенин белгиледи. Атап айтканда, ар бир кызмат үчүн административдик регламентти милдеттүү түрдө бекитүү талабын алып салуу сунушталууда.
Талкуу учурунда депутат Карим Ханджеза административдик регламенттерди жок кылуунун жарандарга көрсөтүлгөн кызматтардын сапатына мүмкүн болгон таасири тууралуу суроо узатты.
Бул боюнча орун басар министр жооп берип, регламенттерди алып салуу ресурстарды натыйжалуу пайдаланууга көмөктөшөрүн, ошол эле учурда көрсөтүлгөн кызматтардын сапатынын начарлабай турганын айтты.
