Жыйында депутат Гульнара Акимбаева Досмамбетовго коррупцияга каршы күрөшүү боюнча суроолорду берди. Депутат Венера Салямова саламаттыкты сактоодо эффективдүү кадр саясатынын зарылдыгына көңүл бурду. Кубанычбек Самаков Нарын облусундагы, анын ичинде Нарын, Ат-Башы жана Ак-Талаа райондорундагы саламаттыкты сактоо мекемелери үчүн медициналык жабдууларга болгон муктаждыкты көтөрдү.
Эскерте кетсек, буга чейин министрликти Эркин Чечейбаев жетектеп келген, ал 1-декабрда кызматтан бошотулган. Досмамбетов министрлик милдеттерин аткарган убакта, Жалал-Абад облусунун ГКНБсынын Башкы башкармалыгынын начальниги кызматын аркалаган. Президенттин аппаратынын маалыматтык саясат кызматынын жетекчиси Дайырбек Орунбеков Досмамбетовдун дайындалышын саламаттыкты сактоо системасында терең реформалар жана коррупцияга каршы күрөшүү зарылдыгы менен түшүндүрдү.
