Ведомствонун кызматкерлерине кайрылып, Эдиль Байсалов Каныбек Досмамбетовдун башкаруучулук сапаттарын белгилеп, анын дайындалышы өлкөнүн саламаттык сактоо системасын президент Садыр Жапаровдун жогорку талаптарына жана Кыргызстандын элинин өсүп жаткан күтүүлөрүнө ылайык кардиналдуу жаңыланууга алып келет деген ишенимин билдирди.
Өз кезегинде Каныбек Досмамбетов берилген ишеним үчүн ыраазычылык билдирди жана жарандардын жашоо сапатын жакшыртууга багытталган саламаттык сактоо тармагындагы мамлекеттик саясатты ишке ашыруу үчүн бардык күч-аракетин жумшарын белгиледи.
Эскерте кетсек, кечээ, 1-декабрда, Эркина Чечейбаева Саламаттык сактоо министрлигинин башчысы кызматынан алынган.
