Ал бүгүнкү күндө сот авариянын күнөөкөрү компенсация төлөп, курмандыктын үй-бүлөсүнөн кечирим алса, жеңилдетүүчү жагдайларды эске ала турганын баса белгиледи.
Депутат ошондой эле: "Сунушталган өзгөртүүлөргө ылайык, өлүмгө алып келген жол кырсыгынын күнөөкөрүнө 12 жылга чейин эркинен ажыратуу жазасы каралган. Бул жабыркагандарга төлөмдөрдөн качууга алып келбейби?" - деп белгиледи.
Ички иштер министринин орун басары Октябрь Урмамбетов, эгер жол кырсыгы өлүмгө алып келген болсо жана күнөөкөр сергек болсо, тараптардын тынчтыкка келүү мүмкүнчүлүгү жана пробацияны колдонуу күчүндө экенин түшүндүрдү.
“Мыйзам долбоорунда негизги көңүл эки же андан көп адамдын өлүмүнө алып келген кырсыктарга жана алкоголдук мас абалда болгон кырсыктарга бурулат. Мындай учурларда пробация колдонулбайт. Ар бир адам өз аракеттеринин жоопкерчилигин түшүнүшү керек. Компенсация боюнча болсо, ал сот тарабынан аныкталат жана аткарууга милдеттүү", - деп кошумчалады орун басар министр.
