Анын айтымында, эгер кардар 90 күндөн ашык төлөм милдеттенмелерин аткарбаса, ипотекалык кредит берүү келишими токтотулат, бул батирди алуу менен аяктайт.
«Ошентсе да, бүгүнкү күнгө чейин мындай окуялар катталган жок. Биздин программа боюнча кайтарымдылык 99 пайыздан ашат. Биздин компания аркылуу ипотекалык батир алган жарандардын көбү өз милдеттенмелерин убагында төлөп турушат. Бул алар үчүн маанилүү, анткени келечекте турак жай алардын менчиги болот. Кардарлардын төлөмдү унутуп калганы болот. Эң негизгиси — убагында бизге кайрылып, көйгөйдү билдирүү. Биз ар дайым жардам берүүгө даярбыз, төлөм графигин кайра карап чыгууга же төлөмдөрдү кечиктирүүгө болот. Бирок азырынча мындай жагдайлар болгон жок», — деп белгиледи Тотубаева.
Мындан тышкары, ал кардардын финансылык кыйынчылыктары болсо, өз батирин кичирээк квартирага алмаштыруу мүмкүнчүлүгү бар экенин кошумчалады, бул ай сайынгы төлөмдөрдү азайтууга жардам берет.
Тотубаеванын маалыматы боюнча, мамлекеттик ипотека боюнча берилген турак жайдын баасы директорлор кеңеши тарабынан рыноктук кырдаалды, инфляция деңгээлин жана башка факторлорду эске алуу менен аныкталат.
