Жогорку Кенештин жыйынында депутат Болот Борбиев үч жашка чейинки балдар үчүн пособия алуу боюнча кайрылган жарандардын көйгөйлөрүн бөлүштү. Анын айтымында, өлкөнүн ар кайсы аймактарындагы көптөгөн тургундар бул процессте кыйынчылыктарга дуушар болушууда.
Ал ошондой эле өткөндө бир катар айылдардын аттары кыргызчадан орусчага жаңылыш которулганын белгилеп, бул абалды оорлотуп жатканын айтты.
«Айрым айылдардын аталыштары «Тундук» системасында туура көрсөтүлбөй жатат. Мен министрлер кабинетине бул катаны тез арада оңдоо тапшырмасын берүүнү суранам», - деди Борбиев.
Мындан тышкары, депутат АТР реформасынан кийин айылдар арасындагы аралык узарганын белгилеп, бул аз камсыз болгон үй-бүлөлөрдүн керектүү документтерди убагында тапшыруусун кыйындатууда. «Бул процессти онлайн кылуу керек, арыздарды берүүдө жеңилдетүү үчүн», - деп кошумчалады ал.
