Жогорку Кенештин жыйынында депутат Дастан Джумабеков цифралык өнүктүрүү министринин орун басары Нурсултан Кубановго ПИН-коддорду алмаштыруунун мүмкүнчүлүгү тууралуу суроо берди. Кубановдун айтымында, ПИН-кодду өзгөртүү техникалык каталар болгон учурда гана мүмкүн.
Депутат ошондой эле, аялдар үчүн ПИН берүүдө 1 саны, эркектер үчүн болсо 2 саны колдонулушу керектигин тактады.
Бул боюнча орун басар министр, учурдагы мыйзамдарга ылайык, жыныс өзгөртүү себептери менен ПИН-кодду алмаштырууга мүмкүнчүлүк жок экенин кошумчалады.
«Учурда ПИН берүү үчүн төрөт үйлөрү менен интеграция жүргүзүлүүдө. ПИН-кодду алмаштыруу жарандын жеке кайрылуусунан жана себептерди анализдөөдөн кийин гана каралышы мүмкүн», - деп түшүндүрдү Кубанов.
