Жолугушуу учурунда шайлоо процесстериндеги эки тараптуу кызматташтыкты өнүктүрүү жана Кыргызстан менен Венгриянын шайлоо органдарынын ортосунда тажрыйба алмашуу маселелери каралды.
Шандор Дороги Венгриянын Кыргызстандагы Борбордук шайлоо комиссиясынын заманбап санариптик технологияларды шайлоо процесстеринде колдонуу боюнча тажрыйбасына, ошондой эле гендердик квоталарды киргизүү жана ишке ашыруу боюнча практикаларына кызыгуусун билдирди.
Ошондой эле Венгриянын жарандары үчүн Кыргызстанда, атап айтканда, Бишкектеги Венгрия элчилигинде шайлоо участогун түзүү маселеси, 2026-жылдын 12-апрелинде өтө турган парламенттик шайлоолор менен байланыштуу талкууланды.
Мындан тышкары, элчи БШКнын өкүлдөрүнө Венгриядагы парламенттик шайлоолорго эл аралык байкоочу катары катышууну сунуштады.
Айдана Жупуева Венгриядагы шайлоолорду байкоого активдүү катышууга даяр экенин билдирип, эки мамлекеттин шайлоо органдарынын ортосундагы жемиштүү кызматташтыкты мындан ары бекемдөө жана өнүктүрүүнүн маанилүүлүгүн баса белгиледи.
