Министрдин орун басарынын маалыматына ылайык, бөлүнгөн каражаттар 25 жылдык мөөнөттө АКШ долларында берилет. Алар Бишкекте беш жаңы мектеп жана жети окуу корпусун курууга, ошондой эле Чүй облусунда ар бир 150 жана 1 миң окуучуга ылайыкташкан эки мектептин курулушуна жумшалат.
Долбоор 2026-жылы башталып, 2029-жылы аякталат, бул учурда курулушка эки жыл, ал эми кепилдик мөөнөтүнө бир жыл бөлүнөт.
Самат Жантелиев ошондой эле долбоордун биринчи фазасы ийгиликтүү ишке ашырылганын белгиледи. «Бул келишимдин негизги максаты — сапаттуу билимге тең мүмкүнчүлүк берүү жана мамлекеттик мектептерди куруу аркылуу социалдык инфраструктураны жакшыртуу», — деп кошумчалады ал.
