Долбоор реабилитациялык борбордо жаткан мүмкүнчүлүгү чектелген адамдарга багытталган, ал жерде алар протез-ортопедиялык буюмдарды алышып, калыбына келтирүү жана социалдык адаптация программаларынан өтүшөт.
Бул инициативанын негизги максаты — катышуучулардын цифрдык жөндөмдөрүн, медиа сабаттуулугун жана өзүн-өзү ишке ашыруу мүмкүнчүлүктөрүн заманбап онлайн платформалар аркылуу өнүктүрүү. Окуунун жүрүшүндө катышуучулар YouTube’да иштөөнүн негиздери менен таанышышат: контент түзүүдөн, видео тартуудан, монтаждоодон жана социалдык тармактарда каналдарды илгерилетүүдөн, ошондой эле жеке бренд түзүү жана натыйжалуу коммуникация жөндөмдөрүн үйрөнүшөт.
Биринчи топто 16 адам катышууда. Курсту аяктаган соң, алардын ар бирине сертификаттар тапшырылат. Долбоорду аяктаганга чейин жалпы 80 мүмкүнчүлүгү чектелген адамды окутуу пландалууда.
