Анын өз колу менен жыйнаган учагынын сүрөттөрү жана видеолору социалдык тармактарда тез тарап жатат.
Интернеттен алынган сүрөт. Камчыбек Чотоев
Жергиликтүү тургундардын айтымында, Чотоев бир жылдан ашык убакыт бою чет өлкөдөн заказ кылып, керектүү бөлүктөрдү жыйнаган. Учактын үстүндө иштөө анын үйүндө досторунун жардамы менен жүргүзүлгөн. Бул долбоорду ишке ашырууга пенсионер 35 миң доллардай акча жумшады, бул акчаны ал пенсиясынан, мал-жандыктарды жана айыл чарба продукцияларын сатуу аркылуу топтогон.
Өз колу менен жыйналган учактын салмагы жүксүз 250 килограммды, отун менен 500 килограммды түзөт. Ал үч адамды ташууга арналган жана 4 миң метр бийиктикке көтөрүлө алат.
Келечекте Камчыбек Чотоев Бишкекте окуп, учкучтук сертификат алууну жана учуу үчүн расмий уруксат алууну пландаштырууда.
