Мэриянын басма сөз кызматынын маалыматына ылайык, талкуу «Аба сапатын жакшыртуу» долбооруна байланыштуу ар кандай инициативаларды камтыды. Анын ичинде «Жашыл белдем» концепциясы, ошондой эле турак жай имараттарында жылуулук насосторун пилоттук киргизүү жана айлана-чөйрөнү коргоого багытталган башка чаралар каралды.
Мындан тышкары, мэрия экотехнологиялык заводду куруу, «Бишкектеплоэлектроцентраль», «Бишкектеплосеть» жана «Бишкектеплоэнерго» объектилерин модернизациялоо, Аламудун жана Ала-Арча дарыяларын тазалоо иштерин жана муниципалдык инспекциянын ишмердүүлүгүн камтыган бир катар учурдагы долбоорлорду сунуштады.
«Биздин кызматташтыгыбыз аба сапатын жакшыртууга гана эмес, Бишкекти экологиялык жактан туруктуу жана жашыл шаар катары оң имидж түзүүгө да жардам берет деп үмүттөнөм», — деди мэр Джунушалиев.
Ошондой эле мэрия борборду жашылдандыруу үчүн 50 миң көчөт келип түшкөндүгүн маалымдады.
