«Кабар» агенттигинин подкастында Кыргызстандын Франциядагы элчиси Садык Шер-Нияз депутаттык кресло алуу үчүн 300 миң доллар чыгым тартканын билдирди. Анын айтымында, бул каражаттын көпчүлүк бөлүгү шайлоо өнөктүгү учурунда жарнама жана ар кандай иш-чараларды уюштурууга жумшалган.
Ал ошондой эле депутаттар шайлоого кеткен чыгымдарды көп учурда айтып өтүшөрүн, бирок бул сандар ар дайым толук сүрөттү чагылдырбай турганын белгиледи. «Тилекке каршы, мындай чоң чыгымдар шайлоо процессинин ажырагыс бөлүгүнө айланды. Так аттарды атабайм, бирок маданият, адабият жана тарых тармагында белгилүү адамдар, жетиштүү финансылык ресурстарга ээ болбосо, парламентке кире алышкан жок», - деп кошумчалады ал.
