Кочкор районунда мурда мыйзамсыз приватизацияланган 37,78 гектар айыл чарба жерлери мамлекеттик менчикке кайтарылды. Бул тууралуу прокуратуранын өкүлдөрү маалымдашты.
Жер мыйзамдарын сактоо боюнча текшерүү жүргүзгөн көзөмөл органдары 1996-жылдан 2006-жылга чейин Ормон-Хан жана Чолпон айыл өкмөттөрүнүн аймагында жер тилкелери мыйзамсыз түрдө жеке колго өткөрүлгөнүн аныкташты.
Прокуратуранын иш-чараларынын жыйынтыгында 80 миллион 300 миң сомго бааланган жерлер мамлекеттин карамагына кайтарылды.
Прокуратурада мыйзамсыз ээлеп алынган жер тилкелерин аныктоо жана кайтаруу боюнча иштер улантылып жатканы белгиленди.
