Торобаевдин билдирүүсүнө караганда, пландарда 776 чакырым каналдарды калыбына келтирүү жана тазалоо, ошондой эле алардын 657 чакырымын бетондоо каралган. Ошондой эле насостук станцияларды оңдоп-түзөө жана 225 чакырым коллектор-дренаждык системаларды тазалоо иштерин жүргүзүү пландалууда.
Мындан тышкары, ал 15 051 скважина катталганын, анын ичинен 308 скважина текшерүүдөн өткөнүн эске салды. Бул жылы 83 скважинаны пайдаланууга берүү пландалууда. Кыргызстанда жалпы көлөмү 884 миллион кубометр суу болгон 498 суу сактагыч жайгашкан, бул 2025-жылга салыштырмалуу 35 пайызга аз.
