Бул жылы беш постсоветтик өлкөлөр өз көрсөткүчтөрүн жакшыртууга жетишти: Кыргызстан (26 балл, +1), Азербайжан (30, +8), Украина (36, +1), Латвия (60, +1) жана Литва (65, +2). Ошол эле учурда, Беларуссия (31, -2), Өзбекстан (31, -1), Казахстан (38, -2), Молдова (43, -1), Армения (46, -1) жана Грузия (50, -3) өлкөлөрүнүн рейтингдери төмөндөгөн. Түркмөнстан (17), Тажикстан (19) жана Эстония (76) үчүн натыйжалар өзгөрүүсүз калды.
Минималдуу коррупция деңгээли боюнча лидерлер катары Дания (100дөн 89 балл), Финляндия (88), Сингапур (84) жана Жаңы Зеландия (81) бойдон калууда. Норвегия 81 балл алып, топ-5ке жаңы катышуучу болду.
Жалпы көрүнүштү анализдеп, эксперттер коррупциянын дүйнөнүн ар кайсы бурчтарында, тарыхый жактан бул маселени жеңүүдө ийгиликтүү болгон өлкөлөрдө да өсүп жатканын белгилешет. Бул көрүнүш, уюмдун өкүлдөрүнүн айтымында, жетекчилердин саясий эркин жоготушу менен байланыштуу.
